Эш табарга ниятләп, мошенниклар ятьмәсенә эләккән

Эш эзләү сайтында белдерүләрне караганда, ул үзен кызыксындырган тәкъдимгә җавап биргән һәм гариза калдырган. Берникадәр вакыттан соң гариза бирүче эш эшләүче хатын-кыз белән элемтәгә чыккан һәм товарлар китерү буенча оператор вакансиясен тәкъдим иткән. Рәсмиләштерү өчен кирәкле кушымтаны телефонга урнаштырырга һәм анкета тутырырга кирәк булган, сылтаманы аңа мессенджерда җибәргәннәр. Бу хакта Россия Эчке эшләр министрлыгының Чистай районы буенча идарәсе матбугат хезмәтендә хәбәр иттеләр.

Хатын-кыз «эш бирүче» җибзргән сылтамага баскан да тиешле кушымтаны телефонына урнаштырган. Телефон беркадәр вакытка эшләми торган ә аннары электрон почтасына 93 мең сумга ноутбук һәм 51 мең сумга квадрокоптерны сатып алу өчен акча түләргә кирәклеге турында хәбәр килгән. Мошенниклар аның телефонына керү мөмкинлеге алуын һәм аның банк картасын кулланып сатып алырга тырышуларын аңлап, кыз онлайн товарлар сату платформасының кайнар линиясенә шалтыраткан һәм заказны гамәлдән чыгарган. Шәхси кабинетка кереп караса анда сюрприз көтеп торган. Кредит тарихлары бюросыннан алынган белешмәгә караганда, эш эзләгән хатын исеменә төрле микрофинанс оешмаларында 9 000 сумлык дүрт кредит рәсмиләштерелгәнлеге ачыкланган.