Эштә милекне бозсаң, нәрсә була? Белгечләр аңлатма бирә

Бу хакта RT басмасына Роскачество матбугат хезмәтендә аңлаткан.

Белгечләр сүзләренчә, Россия Хезмәт кодексында хезмәткәрнең матди җаваплылыгы төгәл билгеләнгән.

«Зыян исерек хәлдә яки нинди дә булса хокук бозу нәтиҗәсендә китерелгән очракта тулы матди җаваплылык башлана. Мондый очракта эш бирүче хезмәткәрдән уртача айлык хезмәт хакы күләменә кадәр сумманы түләттерергә хокуклы», – дип искәрткән белгечләр (Россия Хезмәт кодексының 241 нче маддәсе нигезендә).

Шулай ук оешмада аңлатуларынча, эш бирүче милеккә зыян килгән очракта хезмәткәрдән зыянны тулысынча яки өлешчә түләттерүдән баш тарта да ала.

«Процедура үзе катгый регламентланган. Эш бирүче хезмәт тикшерүе уздырырга, язма аңлатма алырга һәм түләтү турында тиешле боерык әзерләргә тиеш. Зыян суммасын хезмәт хакыннан үз белдеге белән генә тотып калырга ярамый. Үз чиратында хезмәткәр теләсә нинди карарны судта яки дәүләт хезмәт инспекциясенә шикаять итә ала», – дип йомгаклаган экспертлар.

Билгеле булганча, Татарстанда «Кадрлар» илкүләм проекты гамәлгә ашырыла.