Февраль белән чагыштырганда мартта пенсионерлар азрак пенсия алачак

Бу хакта РИА Новостига Россия Федерациясе Президенты каршындагы Россия халык хуҗалыгы һәм дәүләт хезмәте академиясенең (РАНХиГС) социаль анализ һәм фаразлау институтының өлкән фәнни хезмәткәре Виктор Ляшок сөйләгән.

"Февральдә айлык пенсия белән бергә пенсионерларга махсус өстәмә түләү җибәрелгән иде", - дип аңлаткан эксперт.

Аның сүзләренчә, индексация гыйнварда башкарылганга бәйле рәвештә, февральдә пенсионерларга узган айда алып бетерелмәгән түләүнең бер өлеше киләчәк.

Исегезгә төшерәбез, 2025 елның 1 гыйнварыннан россиялеләрнең пенсияләре, инфляциянең фаразланган дәрәҗәсе нигезендә, 7,3 процентка арткан. Росстат 2024 ел өчен факттагы күрсәткеч - 9,5 процент турында мәгълүмат биргәч, РФ Президенты Владимир Путин өстәмә индексация үткәрергә йөкләде.

Элегрәк билгеләп үтелгәнчә, бу карар якынча 39,3 миллион кешегә кагылачак. Картлык буенча иминият пенсиясенең уртача күләме якынча 24,9 мең сум тәшкил итәчәк.