Гаилә ипотекасы: ставкалар төшәрме?

Гаиләдә өченче бала туганда кредит буенча ставка 4 процентка кадәр төшәргә мөмкин. Бу хакта Дәүләт Думасының финанс базар буенча комитеты рәисе Анатолий Аксаков хәбәр иткән.

Бүген программа нигезендә балалы гаиләләр ипотеканы 6 процентлы ставка белән алырга мөмкин. Әмма депутатлар аның “баскыч” принцибы буенча эшләү вариантлары турында фикер алыша. Әйтик, беренче бала туганда гаилә 10-12 процентлы ставка белән ипотека ала алачак. Икенче бала туганда ставка 6 процент тәшкил итәчәк, ә өченчесе дөньяга аваз салгач, 2-4 процентка кадәр төшәргә мөмкин.