Гаилә ипотекасын бирү кагыйдәләре әлегә үзгәрми

Бу хакта вице-премьер Марат Хөснуллин үзенең Mакс мессенджерындагы каналында хәбәр итә.

«Президент кушуы буенча без программа кагыйдәләрен яңарту өстендә эшләвебезне дәвам итәбез. Күп фикер алышулар булды, ләкин 1 июльдән берни дә үзгәрмәячәк, әлегә шартлар элеккечә кала», – ди ул.

Вице-премьер билгеләп үткәнчә, хәзерге вакытта хөкүмәттә яңа кагыйдәләрнең төрле вариантлары эшләнә, алар гаиләләргә ярдәм итүнең адреслылыгын арттырырга һәм демографиягә уңай йогынты ясарга тиеш.

«Бик уйланылган карар кабул итү мөһим. Шулай ук гражданнарга да, төзүчеләргә дә, банкларга да программадагы үзгәрешләргә әзерләнергә вакыт бирү зарур», – дип ассызыклый Хөснуллин. Аныңча, 2018 елдан бирле гаилә ипотекасыннан 2 миллион гаилә файдаланган.

Үз чиратында, Финанс министрлыгында программа шартларын үзгәртү турында карар 2026 елның 1 октябреннән дә иртәрәк кабул ителмәячәк, дип белдерәләр.