Гөмбәләрне пакетта җыярга ярамый: биолог сәбәбен аңлатты

Мәскәү дәүләт университеты биология факультетының микология һәм альгология кафедрасы фәнни хезмәткәре, биология фәннәре кандидаты Никита Комиссаров сүзләренчә, пакет эчендә дым җыела, гөмбәләр «сулый» алмый һәм кыза башлый.

Моннан тыш, пакетта гөмбәләр үз авырлыгы астында кысылып, сынырга мөмкин. Белгеч гөмбә җыю өчен кәрзиннәр кулланырга киңәш итә, чөнки аларда һава йөри һәм гөмбәләр яхшырак саклана.

Комиссаров шулай ук кәрзиндә йөртелгән гөмбәләрнең спораларын таратуга ярдәм итүен билгеләп үтте. Киселгәннән соң гөмбәләр споралар сибә, алар кәрзин уемнары аша урманга таралып, яңа урыннарда үрчү мөмкинлеген бирә.