#Кыскача яңалыклар 26 декабрь 2025, 11:13

Грипп аркасында 99 сыйныфта карантин кертелгән

26 декабрь 2025, 11:13

Грипп һәм ОРВИ белән авыручылар саны күп булу сәбәпле, Татарстанда 30 мәктәпнең 99 сыйныфында уку процессы вакытлыча туктатылган.

Скопировать ссылку

Мондый чаралар Казан шәһәрендә һәм Кама Тамагы районындагы белем бирү оешмаларында кертелгән. Уку процессын вакытлыча туктату турында карар мәктәп җитәкчеләре яки мәгариф идарәләре боерыгы нигезендә кабул ителә, дип искәртә Роспотребнадзорның Татарстан буенча идарәсе җитәкчесе урынбасары Любовь Авдонина.

Әгәр белем бирү оешмасында яки аерым сыйныфта укучыларның һәм педагогларның 20 проценты авырса, сыйныфларны тарату рәвешендәге чикләү чаралары кертелә. Гадәттә, алар 7–10 көн дәвам итә, әмма күпчелек очракта чир таралышын туктату өчен 7 көн җитә.

2016–2017 һәм 2023–2024 еллардагы кебек үк, быел да гриппның H3N2 штаммы өстенлек итә. Татарстанда авыручылар саны эпидемик чиктән 11 процентка югарырак. Шул ук вакытта эпидемиологик вазгыять шактый тыныч, дип бәяли Любовь Авдонина. Аның сүзләренчә, узган елның шушы чорында чирләүчеләр саны 31 процентка күбрәк булган.

Кызыклы яңалыкларны күзәтеп бару өчен Т елеграмга кушылыгыз.