Гыйнвар башында нинди һава торышы көтелә?

30 декабрьдә аязучан болытлы һава торышы көтелә, бераз кар явачак.

Һава температурасы төнлә -9...-14 градус, төньяк районнарда, аязганда -19 градуска кадәр түбәнәя, көндез -7..-12 градус.

31 декабрьдә, көнбатыш циклонның атмосфера фронты үткәндә, бераз кар, урыны белән буран көтелә, көндез җилнең тизлеге секундына 15 метр булачак.

Төнлә -9.-14, көндез температура -3...-8 градуска кадәр күтәреләчәк. Яңа ел төнендә һава температурасы -9..-14 градус, урыны белән -17 градуска кадәр, аязганда көндез -7дән -12 градуска чаклы булачак.

Татарстан Гидрометеоүзәгенең башлангыч фаразына караганда, җомга көнне, 2 гыйнварда, безнең төбәктә һава торышының характеры сизелерлек үзгәрмәячәк – урыны белән аз гына кар явачак, көндез һава температурасы -9.-14 градус. 3 гыйнварда кар, буран һәм көчле җил көтелә, көндез температура -6 дан -11 градуска кадәр фаразлана.