#Кыскача яңалыклар 06 август 2026, 14:16

Ял көннәре алдыннан Татарстанда һава +31 градуска кадәр җылыначак

06 август 2026, 14:16

Җомга көнне, 7 августта, Татарстанда сизелерлек явым-төшем көтелми. Төнлә һәм иртән урыны белән томан төшүе ихтимал.

Скопировать ссылку

Җил көньяктан һәм көньяк-көнбатыштан исәчәк, тизлеге секундына 5–10 метр тәшкил итәчәк, көндез кайбер районнарда аның тизлеге 14 м/с ка кадәр көчәергә мөмкин.

Татарстан Гидрометеорология үзәге фаразлавынча, җомгага каршы төндә республикада һава температурасы +13...+18 градус булачак. Көндез исә һава +26...+31 градуска кадәр җылыначак.

Казанда төнлә һава температурасы +16...+18 градус тәшкил итәчәк, ә шәһәрнең түбән урыннарында +13...+15 градуска кадәр төшәргә мөмкин. Көндез исә башкалада һава +29...+31 градуска кадәр җылыначак.

Кызыклы яңалыкларны күзәтеп бару өчен безнең МАХ каналына кушылыгыз.