Яңа елдан соң ылыслы агачларны кая куярга?

Шәһәрнең 18 локациясендә махсус кабул итү пунктлары эшләячәк. Акцияне «Чистые Игры – Татарстан» проекты командасы Казан мэриясе һәм төбәк операторы «ПЖКХ» идарәче компаниясе белән берлектә оештыра. Бу хакта Татарстан башкаласы мэриясенең матбугат хезмәте хәбәр итә.

Быел акция СМУ-88 төшелеш оешмасы ярдәме белән уза. Кабул ителгән чыршы һәм нарат агачлары эшкәртелеп, икенчел чимал рәвешендә кулланылачак.
Ылыслы агачлар кабул итү пунктлары исемлеге:

Совет районы:
•    «МЕГА» (Җиңү проспекты, 141);
•    «Точка сбора» (Родины урамы, 45);
•    Татарстан төзелеш тармагы оешуга 100 еллык скверы;
•    «Яратам» торак комплексы (Бухарская урамы, 32);
•    «Малиновка» торак комплексы (Академик Завойский урамы, 21б).

Вахитов һәм Идел буе районнары:
•    Чехов базары (Чехов урамы, 2);
•    «Проспект Победы» метро станциясе (Зорге урамы, 75);
•    «Привилегия» торак комплексы (Касыймовлар кардәшләре урамы, 35).

Яңа Савин һәм Авиатөзелеш районнары:
•    «Ак чәчәкләр» бульвары (Абсалямов урамы, 23);
•    «Континент» паркы (Ямашев проспекты, 104, к2);
•    «Лента» (Адоратский урамы, 21а);
•    Ленин исемендәге мәдәният йорты (Копылов урамы, 2а).

Киров һәм Мәскәү районнары:
•    Серов бульвары (Серов урамы, 10а йорты каршында);
•    «Точка сбора» (Васильченко урамы, 6);
•    Арсланов урамы, 6а, 1нче сквер;
•    «5 йолдыз» торак комплексы (Комсомольская урамы, 2);
•    Richmond торак комплексы (Приволжская урамы, 210).

Кабул итү пунктлары турында мәгълүматны акциянең телеграм-боты аша белеп була. Пунктлар тәүлек буе ачык. Чыршы һәм наратлар бары тик физик затлардан гына кабул ителә. Шәһәр халкын агачларны бизәгечләрсез генә тапшырырга чакыралар.

Искәртеп узыйк, акция беренче тапкыр 2024 елда старт алды. Быел гыйнвар аенда казанлылар 3 меңнән артык чыршы тапшырды.