#Кыскача яңалыклар 14 май 2026, 13:54

Яшьләр эштә ни өчен стресс кичерә?

14 май 2026, 13:54

“Росмолодежь” яшьләр эшләре буенча Федераль агентлыкның тикшеренү нәтиҗәләренә ышансак, төп киеренкелек һәм стрессны яшь хезмәткәрләр түбән хезмәт хакы (45%), шулай ук эмоциональ арыганлык (44%) аркасында кичерә.

Скопировать ссылку

Моннан тыш, яшьләр өчен бюрократия һәм процессларның нәтиҗәсезлеге (30%), шулай ук премияләр һәм өстәмә түләүләр булмау (30%) стресс факторлары булып санала.

Тикшеренү нәтиҗәләре буенча, яшьләр үзләренең беренче даими эшләренә урнашканда аннан югары дәрәҗәдәге хезмәт хакы (51%), дустанә коллектив һәм уңайлы атмосфера (50%), тотрыклы мәшгульлек һәм эшкә урнашу гарантиясе (49%), куркынычсыз һәм уңайлы хезмәт шартлары (46%), шулай ук кызыклы һәм катлаулы проектлар өстендә эшләү мөмкинлекләрен (36%) өмет итә.

Билгеле булганча, Татарстанда «Яшьләр һәм балалар» илкүләм проекты гамәлгә ашырыла.

Кызыклы яңалыкларны күзәтеп бару өчен безнең МАХ каналына кушылыгыз.