Иделдә батучылар арасында «Ак Барс»ның иң тугры җанатары булырга мөмкин

Һәлакәткә очраган катерга җиде кеше утырган булган. Гәрчә, бу катерга алты кеше генә утырырга тиеш булган, дип яза рәсми чыганаклар. Судно әйләнеп каплана. Өч пассажир судан чыга алган, икесе һәлак булган, тагын икесен эзлиләр икән әле.
Һәлак булучыларның берсе "Ак Барс" хоккей командасының танылган фанаты Антон Агафонов дигән хәбәр бар. Авырлы хатынны коткарганда ул үзе дә баткан. Бүген Антон Агафоновка 46 яшь тулган булган. Ул дуслары белән туган көнен бәйрәм итү өчен ике катер арендалаган. Аның һәм тагын бер кешенең гәүдәсен водолазлар һаман да эзли.