Йөклелек буенча пособиенең максималь күләме күпме булачагы билгеле

Йөклелек һәм бала табу буенча максималь пособие 955 мең сум тәшкил итәчәк

 Россиядә йөклелек һәм бала табу буенча пособиенең максималь күләме 2026 елда 955 мең сум тәшкил итәчәк, дип белдергән РИА Новости басмасына Дәүләт Думасының гаиләне яклау, ата, ана һәм бала мәсьәләләре комитеты рәисенең беренче урынбасары Татьяна Буцкая.

"Йөклелек һәм бала табу буенча Пособие, бюджет проекты нигезендә, 2026 елда 955 мең сум тәшкил итәчәк", - дигән Буцкая.

Дәүләт Думасы 22 октябрьдә 2026 елга һәм 2027 һәм 2028 елларның планлы чорына РФ Федераль бюджеты турында закон проектын беренче укылышта кабул итте. Шулай ук 2026 елга һәм 2027 һәм 2028 елларның планлы чорына РФ Социаль фонды бюджеты проекты беренче укылышта кабул ителде. Документлар РФ Хөкүмәте тарафыннан кертелде. Икенче укылыш 18 ноябрьгә планлаштырылган.