«Җитезләр һәм спорт сөючеләр»: казанлылар өчен спорт күнекмәләре үткәрелә

Казанда «Җитезләр һәм спорт сөючеләр» проекты кысаларында спорт күнекмәләре дәвам итә. Бу атнада тәкъдим ителә торган программага зумба, цигун гимнастикасы, хатха-йога, Скандинавия йөреше, сулыш гимнастикасы, бию фитнесы һәм башка спорт чаралары кертелгән.

Чәршәмбе көнне, 30 сентябрьдә, теләге булган һәр кешене Урицкий паркына хатха-йога белән шөгыльләнергә чакыралар. Казанлылар 9:00 сәгатьтә «Крылья Советов» паркында Скандинавия йөрешенә кушыла ала. 18:30 сәгатьтә Горки-Әмәт урманында сальсатион фитнес үткәрелә. Шул ук вакытта Кабан күле буенда сузылу-тартылу дәресе оештырыла.

Пәнҗешәмбе көнне, 1 октябрьдә, Таҗи Гыйззәт урамы, 6/21 адресы буенча йога һәм сулыш күнегүләре буенча берләштерелгән дәрес билгеләнгән. Чара иртәнге 7:00 сәгатьтә башлана.

Җомга көнне, 2 октябрьдә, 9:00 сәгатьтә шәһәр халкына Горький исемендәге паркта Скандинавия йөреше белән шөгыльләнергә киңәш итәләр.

Шимбә көнне, 3 октябрьдә, 9:00 сәгатьтә казанлыларны «Салават күпере» торак комплексы янындагы паркка — зарядкага, Урицкий паркына Скандинавия йөрешенә чакыралар.

Дәресләрдә катнашу өчен алдан теркәлергә кирәк. Ул тиешле чатта күнекмәләр башланырга 1–2 көн кала ачыла, дип хәбәр итә Физик тәрбия һәм спорт комитеты.

Чаралар «Татарстанда җәй» проекты кысаларында үткәрелә.

Денис Гордийко фотосы