Юдинода наркоман атадан балаларны коткарган Альберт Бикмуллин һәлак булган

Исегезгә төшерәбез, узган ел Юдинода адекват булмаган әти кеше балаларны булмаган янгыннан коткарырга тырышкан. Йөк машинасы йөртүчесе Альберт Бикмуллин күреп алмаса, бу хәл фаҗигале тәмамланыр иде. Ул, балаларның әтисен тынычландырыр өчен, кибет түбәсенә менгән. Бу вакытта ир-ат 1 яшьлек кызны тәрәзәдән ыргыткан, әмма Альберт аны тотып ала һәм узып баручыларга тапшыра. Шуннан соң ул калган балаларны алу өчен фатирга кергән һәм полиция чакырткан.

Шуннан соң Бикмуллин Тикшерү комитетының «Батырлык»медале белән бүләкләнгән. Ә узган елның июнендә ул «Батыр» үзәгендә контракт имзалаган.

Биш бала атасы аның герой булу яки югары исем алу максаты булмавын сөйләгән. 

"Ватанны яклау өчен контрактка кул куям. Дүрт ай чамасы контрактка кул кую турында уйладым. Махсус хәрби операция зонасында хәзер туганнарым, икетуган абыйларым хезмәт итә. Өйдә мине аңламадылар һәм хупламадылар. Мин аларга контрактка кул куярга теләвемне әйттем, һәм бүген беркемгә берни әйтмичә килдем. Нәтиҗәдә мине аңларлар дип уйлыйм. Мин җиңүебезне якынайтырга һәм аңа үз өлешемне кертергә телим", - дип сөйләгән Альберт Бикмуллин "Татар - Информ"ның агентлыгына.