Югары Ослан районында юл-транспорт һәлакәтендә зыян күргән бала үлгән

"8 июньдә, «Волга» М7 федераль трассасының 767 чакрымында Ниссан минивэнының Ивеко йөк машинасына килеп бәрелүе аркасында, юл-транспорт һәлакәте урынында алган җәрәхәтләрдән 3 яшьлек кыз – минивэнның пассажиры вафат булды. Ниссанның йөртүчесе һәм тагын бер пассажиры авыр хәлдә дәвалау учреждениесенә китерелгән иде. 10 июнь көнне кичен табиблар хәбәр иткәнчә, тагын бер пассажир 9 яшьлек малай, кызганычка каршы, вафат булган, машина йөртүченең хәле (һәлак булган балаларның әтисе) – бик авыр, ир-ат ИВЛга тоташтырылган. Юл-транспорт һәлакәтенең сәбәпләре ачыклана, әмма булган фаҗига юл хәрәкәтендә катнашучыларның барысына да сабак булырга тиеш. Юл йөрү кагыйдәләре штраф салу өчен түгел, бәлки сезнең гомерегезне һәм сәламәтлегегезне саклап калу өчен язылган!«,- дип хәбәр итә Эчке эшләр министрлыгының Югары Ослан ЮХИДИ идарәсе башлыгы Илназ Галимов.

Шулай ук билгеле булганча, минивэнда утырган әти, аның ике баласы– Казанда яшәгән. Әни кеше һәм бер яшьлек бала фаҗига вакытында өйдә калган.