Ижауда Казанга юл тоткан рейс автобусы катнашында коточкыч юл-транспорт һәлакәте булган

Төбәк буенча тикшерү идарәсендә хәбәр итүләренчә, РФ Җинаять Кодексының 238 маддәсе буенча (куркынычсызлык таләпләренә җавап бирми торган хезмәтләр күрсәтү) җинаять эше кузгатылган.

Фаҗига бүген көндез Ижауда Удмуртская һәм Киров урамнары чатында булган. Анда Казаннан Пермьгә баручы рейс автобусы һәм өч җиңел автомобиль бәрелешкән. Юл-транспорт һәлакәтендә дүрт кеше һәлак булган.

Төбәк буенча ГАИда хәбәр итүләренчә, беренчел мәгълүматлар буенча, 65 яшьлек Hyundai йөртүчесе светофорның кызыл утына очып чыккан, анда җәяүлеләр кичүе аша үтүче өч җәяүлене бәрдергән. Шуннан соң Hyundai рейс автобусына килеп бәрелгән.

Чит ил машинасы йөртүчесе үзе һәм ул бәрдергән җәяүлеләр-61, 67 яшьлек хатын-кызлар һәм 22 яшьлек кыз урында ук үлгән.