Кабанның киләчәге нинди булыр? Казанда ачык дискуссия узачак

Чара «Шәһәр модераторлары» платформасы кысаларында оештырыла.

Очрашу 19:00 сәгатьтә Тинчурин театры бинасы янында, Мәрҗани ягыннан төшү юлында узачак. Дискуссиядә Кабан күле яр буеның бүгенге үсеше һәм киләчәге турында фикер алышачаклар.

Катнашучылар шәһәр эшмәкәрләренең инфраструктураны үстерүдәге роле, шәһәр бергәлекләренең яр буе киңлекләрен куллану сценарийларын формалаштыруы, территорияне алга таба үстергәндә нинди кыйммәтләрне саклап калу мөһим булуы һәм биш елдан соң Кабан күленең нинди була алачагы турында сөйләшәчәк.

Спикерлар арасында Казанның Вахитов һәм Идел буе районнары администрациясе башлыгы Альберт Салихов, Кабан күле кураторы һәм miñ каһвәханәсенә нигез салучы Миша Хонг, WOWHAUS бюросының Казан офисы җитәкчесе Ильяс Гыйльманов, эшмәкәр Илдар Габидуллин, Татарстан шәһәрләрен үстерү институты вәкиле Арина Петрова һәм эшмәкәр, марафончы Васил Рангулов бар.

Чара креатив индустрия вәкилләре, шәһәр эшмәкәрләре, локаль проектлар һәм җәмәгать берләшмәләре вәкилләре, шулай ук шәһәр мохите белән кызыксынучылар өчен файдалы булачак. Спикерлар чыгышыннан соң кунаклар үз сорауларын бирә һәм тәкъдимнәрен җиткерә алачак.

Катнашу бушлай, әмма алдан теркәлү кирәк. Урыннар саны чикләнгән.

Урыны: Татарстан урамы, 1, Тинчурин театры янындагы төшү урыны (Мәрҗани ягы)
Вакыты: 4 июнь, 19:00