КамАЗ пристаньны җимереп суга астына киткән: машина йөртүче һәлак булган

Бу хакта Верхний Услон Новости хәбәр итә. Беренчел мәгълүматлар буенча, вак таш төягән КамАЗ йөртүчесе идарәне югалткан. Йөк машинасы пристаньны җимереп, суга төшкән.

Һәлакәт урынында оператив хезмәтләр, шулай ук районның юл хәрәкәте иминлеге комиссиясе вәкилләре эшли. Район Башкарма комитеты җитәкчесе Айрат Әхмәтшин да вакыйга урынында.

Кызганыч, КамАЗ йөртүчесе һәлак булган. Эзләү-коткару эшләренә водолазлар җәлеп ителгән. Һәлакәтнең сәбәпләре һәм шартлары ачыклана. Белгечләр вакыйга урынында эшләрен дәвам итә.