Казан аэропортының яңа терминалы кайчан ачылачагы билгеле булды

Тукай исемендәге Казан халыкара аэропортында ел саен алты миллионга кадәр пассажирга хезмәт күрсәтәчәк яңа терминал төзелеше дәвам итә. Татарстан рәисе Рөстәм Миңнеханов сүзләренчә, барлык эшләрне 2026 елда тәмамлау планлаштырыла. Бу хакта ул үзенең республика Дәүләт Советына еллык юлламасында белдерде.

Рөстәм Миңнеханов билгеләп үткәнчә, Тукай исемендәге аэропортта яңа терминал төзелеше актив дәвам итә һәм 2026 елга тәмамланачак. Республика башлыгы Бигеш аэропортында очып китү полосасын реконструкцияләүгә аерым игътибар бирергә кушты.