#Кыскача яңалыклар 25 ноябрь 2025, 14:15

Казан Кирмәнендә 100 ел элек булган күренешләрне стереоскоп аша карау мөмкинлеге туган

25 ноябрь 2025, 14:15

Казан Кирмәнендә 100 ел элек төп урамның (хәзерге Шейнкман урамы – Кремльнең төп урамы) нинди булуын күрергә мөмкинлек бирә торган стереоскоп урнаштырганнар.

Скопировать ссылку

Казан халкы җайланманы сул якта Спас манарасы аша кергәндә таба ала. Ул «Манеж» күргәзмә залына җиткәнче урнаштырылган.
Стереоскопта «Казан Кремле» музей-тыюлыгы фондларыннан алынган архив сурәт файдаланыла. Җайланмадан куллану өчен махсус окулярларга карарга кирәк. Әлеге җайланмада 3D-рәсемнәр: архитектура һәйкәлләре, Кремль күренешләре, тарихи объектлар, шул исәптән югалган мәдәни мирас та җанлана. Җайланма аша гадәти фотосурәтләрдә күренми торган детальләрне күрергә була.

Стереоскоп аша изге шәһитләр Киприан һәм Устинья чиркәвен, 1880 елларда төзелгән Манежны, 1840 елларда архитектор П.Г.Пятницкий проекты буенча салынган Юнкер училищесының элеккеге бинасын, XVII гасырда төзелгән Благовещение соборының биш катлы манарасын, XVII-XVIII гасырда төзелгән дип фаразлана торган Сөембикә манарасын, Гавами урыннар бинасын күрергә мөмкин.

Исегезгә төшерәбез, Кирмән территориясендә беренче стереоскоп 2024 елның декабрендә барлыкка килгән иде. Аның ярдәмендә кунаклар 100 ел элек Сөембикә манарасының нинди булуын күрә алган.

Кызыклы яңалыкларны күзәтеп бару өчен безнең МАХ каналына кушылыгыз.