16+

Казан лицее укучысы халыкара олимпиадада алтын медаль яулаган

Бу елны математика, физика һәм информатика буенча халыкара ярышларда 16 илдән 612 укучы катнашкан.

Бу елны математика, физика һәм информатика буенча халыкара ярышларда 16 илдән 612 укучы катнашкан.

Казанның 2 нче лицей-интернаты укучысы Сергей Назыров Алма-Ата шәһәрендә узган математика, физика һәм информатика буенча 22 нче Халыкара Жаутыков олимпиадасында (IZhO-2026) алтын медаль яулаган. Бу елгы дәрәҗәле интеллектуаль ярышларда 16 илдән 612 мәктәп укучысы катнашкан.

Биш көн дәвам иткән олимпиада ике турдан торган. Биремнәр халыкара жюри тарафыннан әзерләнгән һәм махсус сыйныф программаларының катлаулылык дәрәҗәсенә туры килгән, дип хәбәр итә Мәгариф идарәсе.

Олимпиада нәтиҗәләре буенча барлык катнашучыларга да сертификатлар һәм истәлекле бүләкләр тапшырылган. Җиңүчеләргә һәм призлы урыннар яулаучыларга дипломнар, шулай ук алтын, көмеш һәм бронза медальләр тапшырылган.

Фото: Казан шәһәренең Мәгариф идарәсе фотосы

Кызыклы яңалыкларны күзәтеп бару өчен Телеграмга кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading