Казан – Мәскәү арасында өстәмә поезд йөри башлый: җәй ахырына кадәр билетлар бар

Поезд Казаннан 00:10 сәгатьтә кузгалачак. Юлга чыгу даталары:
— 12, 21, 29 июль;
— 6, 14, 21, 28, 30 август;
— 4, 6 сентябрь.

Мәскәүгә состав шул ук көнне 16:00 сәгатьтә килеп җитәчәк.

Кире юнәлештә — Мәскәүдән Казанга поезд:
— 13, 22, 30 июль;
— 7, 15, 22, 29, 31 август;
— 5, 7 сентябрь көннәрендә юлга чыгачак.

Мәскәүдән поезд 01:15 сәгатьтә кузгалып, Казанга 14:20 сәгатьтә килеп җитәчәк.

Юл дәвамында поезд Яшел Үзән, Канаш, Сергач, Арзамас-2 һәм Муром-1 станцияләрендә тукталышлар ясаячак.

Пассажирлар өчен плацкарт һәм купе вагоннары каралган. Шулай ук поездның штаб вагонында аз хәрәкәтләнүче пассажирлар һәм аларны озата баручылар өчен махсус урыннар бар. Кайбер вагоннарда йорт хайваннары белән сәяхәт итү мөмкинлеге дә тәкъдим ителә.

Өстәмә поезд җәйге сәфәрләр чорында Казан белән Мәскәү арасында йөрүчеләр өчен тагын бер уңайлы маршрут булачак.