Казанда 9 февральдән бирле югалган хатын-кызны эзләү дәвам итә

Югалу турында гариза шул ук көнне «ЛизаАлерт» эзләү-коткару отрядының кайнар линиясенә килеп ирешкән.

10 февральдән актив эзләү эшләре башланган. Берничә көн дәвамында дистәләгән ирекле, кинологик расчетлар, якыннары һәм битараф булмаган шәһәр халкы катнашында урман массивлары, шәһәр тирәсе, мөмкин булган маршрутлар тикшерелгән. Барлыгы 120 чакрымнан артык юл үтелгән, 300дән артык ориентировка бастырылып таратылган.

Эзләү эшләре катлаулы һава шартларында бара: волонтерларга тирән кар аша хәрәкәт итәргә туры килә. Шулай да эзләү буенча эшләр дәвам итә.

Казан һәм Татарстан халкын ориентировкаларга игътибар итәргә чакыралар. Тамара Волкова турында нинди дә булса мәгълүматка ия булучылардан «ЛизаАлерт» отрядының бушлай кайнар линиясенә 8 (800) 700-54-52 яки 112 номеры буенча шалтырату сорала.

Эзләү дәвам итә.