#Кыскача яңалыклар 23 гыйнвар 2026, 14:04

Казанда бер бүлмәле фатирга ипотека өчен 160 мең сумнан артык керем кирәк

23 гыйнвар 2026, 14:04

Агымдагы ставка 21 процент булганда, Казандагы бер бүлмәле фатирга базар ипотекасын алу өчен, заемщикның айлык кереме 161,2 мең сумнан да ким булмаска тиеш.

Скопировать ссылку

Мондый мәгълүматларны РБК китерә. Иң югары сумма Мәскәүдә (341,3 мең сум) һәм Санкт-Петербургта (194,4 мең сум).

Башка эре шәһәрләрдә бераз түбәнрәк: Түбән Новгородта 125,6 мең сум тәшкил итә, Екатеринбургта - 106,7 мең, ә Новосибирскида һәм Ростов на Донуда - 104,3 мең сум.

Экспертлар 2026 ел ахырына ипотека буенча базар ставкалары 16 процентка кадәр кимергә мөмкин дип фаразлый. Бу очракта казанлылар өчен керем бусагасы 126,1 мең сумга кадәр төшәчәк.

Кызыклы яңалыкларны күзәтеп бару өчен безнең МАХ каналына кушылыгыз.