Казанда диверсия әзерләгән өчен — 24 ел: оборона объектларына каршы эшчәнлек өчен катгый җәза

Татарстанның Югары суд Казанда яшәүче Россия гражданинын дәүләт хыянәтендә, оборона-сәнәгать комплексы объектларында диверсияләр әзерләүдә һәм шартлаткыч матдәләрнең законсыз әйләнешендә гаепле дип таныган.

Суд матбугат хезмәте хәбәр иткәнчә, җәза биш ел төрмәдә, калган өлеше катгый режимлы төзәтү колониясендә үтәләчәк. Моннан тыш, гаепләнүчегә штраф рәвешендә өстәмә җәзалар да билгеләнгән.

Суд ачыклаганча, 2023–2024 елларда ул чит ил оешмасына шпионаж һәм Россиянең иминлегенә каршы эшчәнлектә ярдәм күрсәтү юлы белән дәүләт хыянәте кылган. Шулай ук, Украина яклы ике чит ил оешмасы мәнфәгатьләрендә диверсияләр башкару буенча укулар узган, Казан шәһәрендәге оборона-сәнәгать комплексы объектларында шартлату һәм ут төртүгә әзерлек алып барган.

Җинаять кылу өчен ул шартлаткыч матдәне законсыз рәвештә сатып алган, билгеле бер урыннан алып кайткан һәм шуларны саклаган, әлеге матдәләр соңыннан хокук саклау органнары тарафыннан алынган.

Билгеле булганча, Татарстанда «Пилотсыз авиацион системалар» илкүләм проекты гамәлгә ашырыла.