Казанда «Гаилә» үзәге янындагы үзәк чыршыны ачу тантанасына 2,6 млн сум сарыф итәчәкләр

Чыршы быел декабрь аенда ачылачак, датасы әлегә билгеләнмәгән. Подрядчикка өч сәгатьлек концерт программасы оештырырга кирәк. Чарада балалар вокаль коллективлары, аниматорлар, татар эстрадасы йолдызлары, халык һәм вокаль-инструменталь ансамбльләр чыгыш ясарга тиеш. Концертның төп геройлары Кыш Бабай һәм Кар Кызы булырга тиеш.

Гаризалар 24 ноябрьгә кадәр кабул ителә, тендерда җиңүчене 28 ноябрьдә билгелиләр.