Казанда «Яз Гүзәле–2026» конкурсында җиңүче билгеле булды

Чара Россия халыклары бердәмлеге елына багышланды.

«Яз Гүзәле» — студент кызлар арасында үткәрелә торган төбәкара конкурс, ул татар мәдәниятен, телен һәм гореф-гадәтләрен саклауны һәм популярлаштыруны максат итеп куя. Быелгы проектка Россиянең 16 төбәгеннән 300дән артык гариза килгән, бу конкурсның елдан-ел киңәя баруын күрсәтә.

Финал кичәсендә катнашучылар иҗади чыгышлар, милли киемнәр тәкъдим итү, сәхнә осталыгы һәм зирәклек буенча көч сынашты. Жюри әгъзалары кызларның тышкы матурлыгына гына түгел, ә милли рухка тугрылыкларына, мәдәни белемнәренә дә зур игътибар бирде.

Нәтиҗәдә, «Яз Гүзәле–2026» титулына Казан медицина көллияте студенты Әдилә Галимҗанова лаек булды.

Конкурс ел саен татар яшьләре арасында милли үзаңны ныгытуда, сәләтле кызларны барлауда һәм мәдәни традицияләрне киләчәк буыннарга тапшыруда мөһим роль уйный.

Билгеле булганча, Татарстанда «Туризм һәм кунакчыллык» илкүләм проекты гамәлгә ашырыла.