Казанда Җиңү Проспектында яңа тукталыш барлыкка киләчәк

Бу хакта Казан Башкарма комитетының транспорт буенча комитеты хәбәр итә.

Яңа тукталышта 33, 45 һәм 74 нче маршрутлар буенча баручы автобуслар тукталачак.

«Бу тукталышлар буенча рейд йөреп чыкканнан соң без керткән беренче үзгәрешләрнең берсе булды ул. Бу карар сезнең күпсанлы мөрәҗәгатьләрегез буенча кабул ителде, сәфәрне уңайлырак итү өчен эшләнелә», – дип аңлаттылар комитетта.

Элегрәк шәһәр администрациясе хезмәткәрләре ЮХИДИ инспекторлары белән бергә юл участокларын карап чыккан, моңарчы казанлылардан тукталыш пунктлары җитмәү буенча бик күп зарлар кергән булган.

Белгечләр юл вәзгыятен, пассажирлар агымының интенсивлыгын һәм яңа тукталышлар кертү өчен техник мөмкинлекләр булуны анализлаганнар.