#Кыскача яңалыклар 15 май 2025, 11:00

Казанда «KazanForum-2025» икътисади форумын ачтылар

15 май 2025, 11:00

Бүген «Казан Экспо» мәйданчыгында «Россия – Ислам дөньясы: KazanForum-2025» халыкара икътисади форумының рәсми ачылышы узды.

Скопировать ссылку

Тантаналы чараны Россия Хөкүмәте Рәисе урынбасары Марат Хөснуллин һәм Татарстан Рәисе Рөстәм Миңнеханов үткәрде.

Форум белән Russian Halal Expo күргәзмәсенең рәсми ачылышы да узды, анда 12 ил, шулай ук Россиянең 11 субъекты катнаша.

«Россия – Ислам дөньясы: KazanForum» халыкара икътисади форумы Татарстан башкаласында 13-18 май көннәрендә уза. Kazan Forum Татарстанда 2009 елдан башлап ел саен үткәрелә. 2023 елдан вакыйга федераль статус алды. Татарстан Рәисе Рөстәм Миңнеханов Россия Президенты Владимир Путин йөкләмәсе буенча «Россия – Ислам дөньясы» стратегик караш төркемен җитәкли.

Чыганак: Татар-информ

Кызыклы яңалыкларны күзәтеп бару өчен безнең МАХ каналына кушылыгыз.