Казанда курьерларны җайга салалар: электровелосипедларга яңа кагыйдәләр

Йөкләмә Казан шәһәре Башкарма комитеты һәм шәһәрнең транспорт комитетына бирелгән.

Шәһәр мэриясе хәбәр итүенчә, яңа кагыйдәләр инде быелгы язда ук гамәлгә керергә тиеш. Алар Башкарма комитет белән китерү сервислары арасында төзеләчәк килешүләрдә беркетеләчәк.

Бүген Казанда 4 меңгә якын курьер эшли. Соңгы елларда индивидуаль мобильлек чаралары — электровелосипедлар, самокатлар — шәһәр урамнарында кискен артты.

Мэр сүзләренчә, тармакның мондый тиз үсеше юл-транспорт һәлакәтләрен һәм җәяүлеләр белән бәрелеш очракларын булдырмау өчен төгәл кагыйдәләр таләп итә.

Әлегә регламентның төгәл эчтәлеге игълан ителмәгән. Әмма сүз, беренче чиратта:

• тизлек чикләү,

• хәрәкәт маршрутлары,

• махсус билгеләр һәм идентификация,

• курьерлар өчен җаваплылык чаралары турында барырга мөмкин.

Яңа тәртип шәһәрдә куркынычсызлыкны арттырырга һәм җәяүлеләр мәнфәгатен якларга тиеш.

Билгеле булганча, Татарстанда «Эффектив транспорт системасы» илкүләм проекты гамәлгә ашырыла.