Казаннан 17 яшьлек кыз Чиләбегә юлаучы машиналар белән киткән

Ул анда бер ай чамасы хостельдә яшәгән һәм җыештыручы булып эшкә урнашырга җыенган.

Кыз хәбәрсез югалган дип федераль эзләүгә игълан ителгән булган. Чиләбедә вокзалдагы камералар аны күреп алган. Шуннан соң полиция хезмәткәрләре кызны туктаткан.

Билгеле булганча, ул имин гаиләдә тәрбияләнә һәм моңа кадәр беркайчан да өйдән чыгып китмәгән. Кыз соңрак электричка белән Чебаркүлгә барып, шунда эшкә урнашырга ниятләгән булган.