Командир исеменнән шалтырату: Россиядә яңа алдау схемасы

Бу хакта Россия Эчке эшләр министрлыгы матбугат хезмәте хәбәр итә.

Җинаятьчеләр үзләрен: командирлар, хезмәттәшләре, волонтерлар итеп таныштыра.

Ышаныч яулап алу өчен алар хәрби турында шәхси мәгълүматларны (исем, фамилия, хезмәт урыны һ.б.) атыйлар. Аннары:
* «яралану» яки «бүләкләнү» турында хәбәр итәләр;
* СМС-код әйтергә сорыйлар;
* шикле сылтама буенча күчәргә мәҗбүр итәләр;
* кушымта урнаштырырга тәкъдим итәләр;
* акча күчерүне таләп итәләр.
Кайвакыт мошенниклар «җинаять эше кузгату» яки «шәхси мәгълүматлар тарату» белән куркытып басым ясый.
Җинаятьчеләр шулай ук мессенджерларда «махсус хәрби операциядәге хәрби белән элемтә югалганнар» өчен төркемнәр һәм каналлар булдыра. Максатлары — шәхси мәгълүмат җыю һәм зарарлы файллар тарату.
Моннан тыш, алар акчага һәлак булган хәрбиләрнең кабер ташларын фотога төшерүчеләрне эзли. Исем-фамилия, туу һәм вафат булу даталары соңыннан туганнарның ышанычын яулау өчен кулланыла.
Россия Эчке эшләр министрлыгы киңәш итә:

* ❌ СМС-кодларны беркемгә дә әйтмәгез
* ❌ Шикле сылтамаларга күчмәгез
* ❌ Телефоныгызга билгесез кушымталар урнаштырмагыз
* ❌ Шәхси мәгълүматларны чит кешеләргә бирмәгез
* ☎️ Шикле шалтырату булса — сөйләшүне шунда ук өзегез

Белгечләр ассызыклый: рәсми органнар һәм хәрби бүлекләр телефон аша акча күчерүне яки смс аша килгән кодлар әйтүне сорамый.

Билгеле булганча, Татарстанда «Пилотсыз авиацион системалар» илкүләм проекты гамәлгә ашырыла.