Көрәш буенча Муса Җәлил турнирын уздыру урыны үзгәрде

«Ватаным Татарстан» газетасы гамәлгә куйган Муса Җәлил истәлегенә көрәш турниры 2026 елның 12-14 февраль көннәрендә Чаллыда узачак. Бу хакта безгә ТР спорт министрлыгыннан хәбәр иттеләр. Бәйге Чаллының Боз сараенда үтәр дип планлаштырыла. Билгеле булганча, 2026 елда Чаллы шәһәренең 400 еллыгы һәм «КамАЗ» автомобильләре чыга башлауга 50 ел зурлап үтеләчәк. Муса Җәлил истәлегенә уза торган бәйге дә шушы юбилей чаралары кысаларында оештырылачак.