#Кыскача яңалыклар 31 июль 2025, 13:57

Коточкыч саннар: ел башыннан Татарстанда юл-транспорт һәлакәтендә 161 кеше һәлак булган

31 июль 2025, 13:57

Июль аенда гына да республикада 317 авария булган. 39 кеше һәлак булган, 226 кеше имгәнгән.

Скопировать ссылку

Июль аенда гына да республикада 317 авария булган. 39 кеше һәлак булган, 226 кеше имгәнгән.

Бу елның гыйнварыннан Татарстанда 1 750 юл-транспорт һәлакәте теркәлгән. Аларда 161 кеше һәлак булган, тагын 2 132 зыян күргән. Бу хакта Татарстан Эчке эшләр министрлыгының Дәүләт автоинспекциясе идарәсе башлыгы вазыйфаларын вакытлыча башкаручы Дамир Бикмөхәммәтов җиткерде.

Аның сүзләренә караганда, июль аенда гына да республикада 317 авария булган. Аларда 39 кеше һәлак булган, 358е имгәнгән.
- Каршы як полосага чыгу белән бәйле юл-транспорт һәлакәтләре аеруча авыр нәтиҗәләр белән характерлана. Оператив мәгълүматларга караганда, ел башыннан 136 шундый юл-транспорт һәлакәте булган, 56 кеше һәлак булган, 226сы төрле дәрәҗәдәге җәрәхәтләр алган. Бу айда гына да мондый юл-транспорт һәлакәтләрендә 14 кеше һәлак булды, - ди спикер.

Шулай ук республикада юл — транспорт һәлакәтләре саны 58 гә, аларда җәрәхәт алучылар саны 39га арткан. Авария урынында һәлак булучылар саны җиде кешегә кимегән.

Кызыклы яңалыкларны күзәтеп бару өчен безнең МАХ каналына кушылыгыз.