Кырым һәм Севастопольдә төбәк күләмендә гадәттән тыш хәл режимы кертелгән

Бу хакта Кырым башлыгы Сергей Аксенов хәбәр итте.

Аның сүзләренә караганда, Севастополь губернаторы Михаил Развожаев белән берлектә тиешле карар кабул ителгән. Гадәттән тыш хәл режимын кертү икътисадый мәсьәләләрне оператив хәл итү, кирәкле чараларны тизрәк оештыру өчен кирәк, дип аңлатты Аксенов.

«Әлеге карар барлык кирәкле эшләрне нәтиҗәлерәк алып барырга мөмкинлек бирәчәк», — дип билгеләп үтте республика башлыгы.

Хәзерге вакытта төбәктәге хәлне тотрыклыландыру һәм килеп туган мәсьәләләрне хәл итү буенча чаралар дәвам итә.