Май бәйрәмнәрендә ремонт ясыйсызмы? Татарстанда тынлык кагыйдәләрен искә төшерделәр

Ведомствода белдерүләренчә, тынлык режимы һәр төбәктә аерым билгеләнә, шуңа күрә ремонт башлар алдыннан үз төбәгегездәге гамәлдәге кагыйдәләрне тикшерергә кирәк.

Белгечләр аңлатуынча, кайбер төбәкләрдә яңа төзелеш йортлары өчен ташламалы чор каралган. Йорт файдалануга тапшырылганнан соң беренче 1,5–2 ел дәвамында ремонт эшләренә карата йомшаграк шартлар гамәлдә булырга мөмкин.

Әгәр күршеләр тудырган шау-шу тынычлыкны боза икән, иң элек мәсьәләне сөйләшү юлы белән хәл итәргә киңәш ителә. Моның өчен йорт чатларын да кулланырга мөмкин. Ә инде уртак фикергә килә алмасагыз, идарәче компаниягә яки участок полиция хезмәткәренә мөрәҗәгать итәргә кирәк.

Белгечләр май бәйрәмнәрендә аеруча үзара хөрмәт сакларга чакыра: кемдер ял итә, ә кемдер ремонт белән мәшгуль булырга мөмкин.