#Кыскача яңалыклар 12 февраль 2026, 15:54

Марат Җәббаров: “Кадрлар белән бәйле вазгыять элеккечә кискен”

12 февраль 2026, 15:54

Татарстанның авыл хуҗалыгы министры Марат Җәббаров ведомствоның коллегия утырышында билгеләп узганча, кадрлар белән тәэмин ителеш авыл хуҗалыгы тармагын нәтиҗәле үстерүнең нигезе булып кала.

Скопировать ссылку

“Вазгыять элеккечә кискен. Төп белгечлекләр буенча комплектлашу дәрәҗәсе 88 дән 94 процентка кадәр. Эшче һөнәрләре буенча 3 меңнән артык вакантлы эш урыны бар. Дәүләт ярдәме чараларына карамастан, кайбер районнар, предприятиеләр хезмәткәрләргә мохтаҗ булса да, алардан әлегә кадәр файдаланмый”, - диде ул.

Сүз уңаеннан: 2025 елда республика Рәисе ярдәме белән яшь белгечләргә бер тапкыр бирелә торган түләү 750 мең сумга кадәр арттырылган. Ярдәмнән 98 белгеч файдаланган, бу күрсәткеч алдагы еллар нәтиҗәсеннән икеләтә күбрәк.

Кызыклы яңалыкларны күзәтеп бару өчен безнең МАХ каналына кушылыгыз.