Мәскәүдә яшәүче бер мәктәп укучысы БДИда 400 балл җыйган

"Укучы кыз БДИны максималь 400 баллга тапшырды. 1514 нче мәктәпне тәмамлаган Надежда Яшмолкина дүрт фән: рус теле, профильле математика, информатика һәм физика буенча да югары балл алды", - дип язган Мәскәү мэры Сергей Собянин.

Мэр билгеләп үткәнчә, ел дәвамында ул шулай ук алты профильле олимпиадада җиңгән, математика һәм информатика буенча Бөтенроссия укучылар олимпиадасының йомгаклау этапларында катнашкан.

"БДИ уздыруның төп чоры июль башында тәмамланачак, һәм шул вакытта без ахыргы нәтиҗә ясарбыз. Әмма хәзерге вакытта шундый күренекле нәтиҗә — барлык фәннәр буенча 100 балл — шаккаткыч нәтиҗә", - дип ассызыклаган Собянин.
Бишлегә укучы кыз компьютер технологияләре өлкәсендә карьера ясарга планлаштыра.