Меңнәрчә штраф: кайсы компанияләр юл кагыйдәләрен иң еш бозган?

Мәгълүматларны «Татар-информ» китерә. 

Исемлекнең беренче урынында – Лаеш районыннан «Казан май комбинаты» АҖ. Әлеге компания йөртүчеләре бер ел эчендә юл кагыйдәләрен 2030 тапкыр бозган.

Икенче урында – Казанның «Лаборатория Р.Т.Х.» фирмасы (1514 хокук бозу). Өченче баскычта – «Юлташ Логистик» предприятиесе (1119 очрак).

Топ-бишлеккә шулай ук Чаллыдан «Машина детальләре» (1069) һәм Казаннан «ППСХ» (1010) кергән.

Кара исемлеккә шулай ук Казанның «Артус» (826), «ЦПР» (818), «ПРОФСНАБ ПК» (762), Алабугадан «АВП ГРУПП» (744) һәм «Викара» (605) фирмалары да эләккән.

Белгечләр юлларда иминлекне тәэмин итү максатыннан системалы рәвештә кагыйдә бозучыларга карата чаралар көчәйтелүен искәртә.