Мессенджер аша мәктәпләргә янау хатлары килгән

Аноним телеграмм-каналлар Чаллы мәктәпләренә һөҗүмнәр әзерләнүе турында ялган мәгълүмат тарата башлаган. Бу хакта шәһәр мэриясенең матбугат хезмәте хәбәр иткән.

- Хөрмәтле чаллылылар! Мәктәпләргә һөҗүм итү белән бәйле ялган мәгълүмат таралуы турында кисәтәбез. Җинаятьчеләр телеграм-каналлар аша  төрле хәбәрләр тарата, - диелә әлеге язмада.
Мондый хәбәрләр барлыкка килгәннән соң шәһәр мәктәпләрендә тикшерүләр уздырылган һәм иминлек чараларын көчәйткәннәр. Алга таба тикшерү өчен мәгълүматны хокук саклау органнарына тапшырганнар.

Куркынычсыз интернет лигасы башлыгы Екатерина Мизулина шулай ук үз телеграмм-каналындагы вәзгыятькә җавап бирде. Ул янаулар турындагы мәгълүматлар полициягә җибәрелгән, дип хәбәр итте.