#Кыскача яңалыклар 19 июнь 2025, 20:06

Миңнеханов: Без Татарстан компанияләренең Кыргызстандагы эшен киңәйтү белән кызыксынабыз

19 июнь 2025, 20:06

Татарстан Республикасы Рәисе Рөстәм Миңнеханов Кыргызстан Республикасы Министрлар Кабинеты Рәисенең беренче урынбасары Данияр Амангельдиев белән очрашты.

Скопировать ссылку

Бу хакта ТР Рәисе матбугат хезмәте хәбәр итә.

Очрашуны ачып, Миңнеханов ике яклы элемтәләрне ныгытуның мөһимлеген ассызыклады:

«Без Россия белән Кыргызстанның дустанә мөнәсәбәтләре кысаларында сезнең ил белән партнерлыкны киңәйтү мөмкинлеген югары бәялибез».

Узган елның нәтиҗәләре нигезендә Татарстан белән Кыргызстан арасында товар әйләнеше 138 миллион доллар тәшкил иткән. Соңгы елларда товар әйләнеше өч тапкырдан күбрәккә арткан. Татарстанда берничә предприятие Кыргызстандагы партнерлар белән актив эшли.

«Без Татарстанның алдынгы компанияләренең Кыргызстандагы эшчәнлеген киңәйтү белән кызыксынабыз», - дип билгеләп үтте Рөстәм Миңнеханов.

Аерым алганда, сүз нефть химиясе продукциясе, автомобиль шиналары, көнкүреш химиясе товарлары, компрессор, суыткыч җиһазлары белән тәэмин итүне арттыру турында бара.

Чыганак: Татар-информ

Кызыклы яңалыкларны күзәтеп бару өчен безнең МАХ каналына кушылыгыз.

#Рөстәм Миңнеханов