Миңнеханов һәм «Газпром-Медиа» генераль директоры хезмәттәшлек турында килешү имзалады

Бу хакта ТР Рәисе матбугат хезмәте җитәкчесе Лилия Галимова хәбәр итте.

Хезмәттәшлек Татарстан халыкларының мәдәниятен һәм милли тәңгәллеген чагылдыра торган оригиналь һәм адаптацияләнгән аудиовизуаль контент булдыруга һәм аны таратуга юнәлтеләчәк.

Моннан тыш, документ татар милли контентын «Газпром-Медиа» экосистемасына керүче цифрлы платформа һәм сервисларда урнаштыруны, шулай ук кино, сериаллар, документалистика, анимация, музыкаль һәм белем бирү форматлары өлкәсендә уртак проектлар гамәлгә ашыруны күздә тота.