Мошенникларга сылтау ярдәм итмәячәк: Дәүләт Думасында җәзаны катгыйландырырга тәкъдим иткәннәр

Бу хакта Россия Оборона комитеты рәисенең беренче урынбасары Алексей Журавлев «Лайф» басмасына сөйләгән. 

Спикер сүзләренчә, бүген кайбер гаепләнүчеләр үз гамәлләрен билгесез затлар, шул исәптән телефон мошенниклары яки мессенджерлар аша йогынты ясаучылар белән акларга тырыша. Әмма мондый аңлатмалар еш кына җаваплылыктан качу ысулы булып кулланыла.

Депутат фикеренчә, әгәр кеше аңлы хәлдә һәм эшкә сәләтле булса, ул үз кылган гамәлләре өчен тулысынча җавап бирергә тиеш. Шуңа күрә телефон мошенникларына сылтаманы йомшартучы түгел, ә киресенчә, җәзаны катгыйландыра торган фактор итеп карарга кирәк.

Моннан тыш, ул банкоматларга ут төртү кебек гамәлләрне дә аеруча катгый бәяләргә чакырган. Депутат билгеләп үткәнчә, мондый очракларда чит ил структуралары йогынтысына сылтау да җаваплылыкны киметергә тиеш түгел.

Әгәр кеше үз гамәлләрен аңлап бетермәсә, ул җәмгыять өчен куркыныч тудырмасын өчен медицина учреждениесендә дәваланырга тиеш, дип өстәгән ул.

Билгеле булганча, «Яшәү өчен инфраструктура» илкүләм проекты гамәлгә ашырыла.