Ноябрьдә Татарстан халкы 11 көн ял итәчәк

Федераль җитештерү календаре нигезендә, ноябрьдә ил күләмендә 20 эш көне һәм 10 ял көне булачак. 4 ноябрьдә Россиядә Халыклар бердәмлеге көне билгеләп үтелә һәм ул эшләми торган бәйрәм көне булып санала.

Татарстанда исә ял көннәре тагын бер көнгә арта. 6 ноябрьдә республикада Татарстан Республикасы Конституциясе көне билгеләп үтелә. Шуңа күрә Татарстан халкы ноябрь аенда барлыгы 11 көн ял итәчәк.

Бәйрәмнәр алдыннан эш көне дә кыскарачак. 3 һәм 5 ноябрьдә эшләүчеләр бер сәгатькә азрак эшләячәк. Шулай итеп, ноябрьдә Татарстан халкын ике өстәмә бәйрәм көне һәм кыскартылган эш көннәре көтә.