#Кыскача яңалыклар 04 август 2026, 10:42

Пенсиягә чыгуны 10 елга кичектерсәң, түләүләр 2 тапкырдан да күбрәк артырга мөмкин

04 август 2026, 10:42

Россиялеләр пенсиягә чыгуны 10 елга кичектергән очракта, иминият пенсиясе күләмен ике тапкырдан да күбрәккә арттыра ала.

Скопировать ссылку

Бу хакта финанс белгече Игорь Балынин хәбәр иткән.

Аның сүзләренә караганда, закон нигезендә пенсияне соңрак рәсмиләштерүчеләр өчен махсус арттыру коэффициентлары кулланыла. Пенсия баллары өчен коэффициент – 2,32, ә теркәлгән түләү өчен – 2,11.

Мәсәлән, әгәр кеше 127 пенсия баллы белән 2026 елда пенсиягә чыкса, аның айлык пенсиясе якынча 29,5 мең сум тәшкил итәчәк. Ә шул ук кеше пенсиягә чыгу хокукы барлыкка килгәннән соң 10 ел көтеп мөрәҗәгать итсә, түләү күләме 66,4 мең сумга кадәр артырга мөмкин.

Белгеч шулай ук искәрткәнчә, 2026 елда картлык буенча иминият пенсиясен алу өчен кимендә 30 пенсия баллы һәм 15 ел рәсми хезмәт стажы булырга тиеш.

Моннан тыш, һәркем булачак пенсиясен үзе дә якынча исәпләп карый ала: тупланган пенсия балларын бер балл бәясенә тапкырларга һәм шуңа теркәлгән түләүне өстәргә кирәк. 2026 елда бер пенсия баллының бәясе 156,76 сум, ә теркәлгән түләү 9584,69 сум тәшкил итә.

Кызыклы яңалыкларны күзәтеп бару өчен безнең МАХ каналына кушылыгыз.

#акча, ярдәм, пенсия