Пенсионерларга әлеге өч түләүне ел ахырына кадәр рәсмиләштерергә кирәк

Бу хакта "Прайм" агентлыгына Россия икьтисад университетының дәүләт һәм муниципаль финанслар кафедрасы профессоры Юлия Финогенова сөйләгән. 
Аерым алганда, федераль ташламага ия булучылар тиешле социаль хезмәтләрне акчалата алырга мөмкин. Бу җыелмага рецепт буенча дарулар сатып алу, дәвалану урынына бару өчен транспорт өчен түләү һәм шифаханә-курорт дәвалануы керә.
Моннан тыш, пенсионерлар берәр күчемсез милек объекты буенча милеккә салымнан азат ителә. Салым ташламаларын алу өчен агымдагы елның 1 ноябренә кадәр Федераль салым хезмәтенә объектны күрсәтеп гариза бирергә кирәк, ди Финогенова.
70 яшьтән өлкәнрәк пенсионерлар капиталь ремонтка кертем чыгымнарын каплауга субсидия алырга хокуклы. Моның өчен башта взнос түләргә, ә аннары компенсациягә документлар бирергә кирәк. Төбәкара дәрәҗәдә башка ташламалар да бар, мәсәлән, адреслы социаль ярдәм, ул шулай ук гариза буенча бирелә. Киләсе елда тиешле ярдәмнең барысын да алу өчен гаризаны хәзер үк язу кулайрак.