Яңа ел бәйрәмнәре алдыннан кайбер пенсионерлар өчен яхшы хәбәр бар: гыйнвар пенсиясен яңа ел җиткәнче үк алачаклар.
Яңа ел бәйрәмнәре алдыннан кайбер пенсионерлар өчен яхшы хәбәр бар: гыйнвар пенсиясен яңа ел җиткәнче үк алачаклар.
Димәк, бәйрәм табынына әзерләнү, якыннарга бүләк алу өчен акча гадәттәгедән иртәрәк киләчәк.
Россия Социаль фонды рәисе Сергей Чирков хәбәр иткәнчә, пенсияне айның беренче көннәрендә алучыларга гыйнвар түләүләре декабрь ахырында күчереләчәк.
– Яңа ел бәйрәмнәре шактый озак була. Шуңа күрә Социаль фонд пенсияләрне декабрь ахырында ук банк аша да, почта бүлекчәләре аша да түләячәк, – дип белдергән ул «РИА Новости» агентлыгына.
Гадәттә пенсиясен ай башында, шул исәптән 1–10 гыйнвар көннәрендә алырга тиешле кешеләргә акча алдан киләчәк. Мәсәлән, пенсиясен гадәттә 6 гыйнварда алучы кеше аны декабрьнең соңгы көннәрендә үк алачак.
Бу тәртип банк картасына акча алучыларга да, пенсиясен почта аша алучыларга да кагыла.
Юк, бернинди өстәмә документ та кирәкми. Пенсия түләү датасы автомат рәвештә үзгәртеләчәк. Социаль фонд бу максатларга кирәкле акчаның бюджетта тулы күләмдә каралуын хәбәр итә.
Шуны да истә тотарга кирәк: декабрь ахырында күчерелгән акча – өстәмә түләү түгел, ә 2027 елның гыйнвар пенсиясе. Киләсе түләү гадәти график буенча дәвам итәчәк.
Мондый тәртип озын Яңа ел каникуллары вакытында пенсияләрне вакытында җиткерү өчен ел саен кулланыла.
Кызыклы яңалыкларны күзәтеп бару өчен безнең МАХ каналына кушылыгыз.
#Җәмгыять
#Язмыш
#Сорау-җавап
Комментарийлар