Пенсионерларның бер өлеше ноябрь өчен тиешле пенсияне вакытыннан алда алачак

"Якынлашып килүче ноябрь бәйрәмнәре уңаеннан Россиядә пенсионерларның бер өлеше киләсе айда пенсияне вакытыннан алда алачак. Бәйрәм алды түләүләре банк аша акча алучы һәркемгә кагылачак, почта бүлекчәләре пенсионерларга түләүләрне гадәти график буенча китерәчәк", - диелә басмада.
Әйтик, 3 һәм 4 ноябрьгә туры килгән пенсияләрне 1 ноябрьгә күчерәчәкләр. 5 ноябрьдән банклар аша пенсияләрне китерү стандарт график буенча яңадан башланачак.

Социаль Фондта бу барлык төр пенсияләргә — иминият, социаль, тупланма, картлык һәм инвалидлык буенча пенсияләргә кагыла, дип өстәгәннәр. Әгәр пенсия белән бергә башка түләүләр килсә, аларны да вакытыннан алда күчерәчәкләр.
Шул ук вакытта пенсияләрен "Россия Почтасы" аша алучылар ноябрь өчен акчаны гадәти даталарда алачак. Хат ташучылар пенсияләрне 3 ноябрьдән тарата башлаячак, шул ук вакыттан аны почта бүлекчәсе кассасыннан алырга мөмкин булачак.