Подъездда шәхси әйберләрен саклаучылар штрафка тартылырга мөмкин

Бу хакта «NEWS.ru» басмасына биргән интервьюсында юрист Михаил Салкин хәбәр иткән.

«Подъездда шәхси әйберләрне саклаган өчен штраф салынырга мөмкин, чөнки бу йортның гомуми милке һәм чүпләү тыелган эвакуация юлы булып тора», – дигән Салкин.

Ул өстәп әйткәнчә, Россиянең административ кодексы нигезендә, штраф ике меңнән өч мең сумга кадәр тәшкил итә. Юрист ассызыклаганча, әйберләрне урнаштыруны күршеләр белән генә түгел, ә формаль рәвештә фатирларның барлык милекчеләре белән дә килештерергә кирәк.